Innanlands

Løgmaður kallar forfólkini á fund at umrøða IOC

Vit kunnu ikki peika eftir øðrum longur. Nú liggur bólturin hjá okkum, sigur Beinir Johannesen, løgmaður.

(Mynd: Jens Kr. Vang)

(Mynd: Jens Kr. Vang)

2026-11-19 19:43 Author image
Sverri Egholm
placeholder

Tað er ikki farið framvið hjá løgmanni, at IOC hevur boðað ÍSF frá, at føroysku hondbóltslandsliðini ikki sleppa at kappast, hóast tey spæla seg til olympiskar kappingar í 2028.

Hann hevur fyri løtu síðan kallað øll forfólkini á fund í næstum at umrøða, hvussu í felag tað verður arbeitt víðari við hesum.

- Hetta er púra greitt. Tað er eingin vegur uttanum. Og vit kunnu ikki peika eftir øðrum longur. Nú liggur bólturin hjá okkum.

- Øll politiska skipanin er samd um, at vit skulu hava limaskap í IOC.  Tað stendur eisini í samgonguskjalinum. Men limaskapur í IOC er bert ein lítil partur av orsøkini til, at vit mugu broyta verandi karmar í ríkisfelagsskapinum, sigur løgmaður.

- Í heila tikið geva verandi karmar ikki Føroyum tær neyðugu uttanríkispolitisku heimildirnar, ið skulu til fyri at umboða okkum úti í heimi. Hetta er staðfest ferð eftir ferð - og eisini niðurfelt í samgonguskjalið.

- Skal eg gera mína skyldu sum løgmaður, er tað neyðugt hjá mær at taka hvørt orð í samgonguskjalinum í fullum álvara, sigur Beinir Johannesen, løgmaður.

Les eisini: IOC sigur kortanei: Heldur eingi føroysk lið til OL 2028


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder