Radio.fo yvirtekur rásina hjá R7

Útvarpsrásin R7 boðaði herfyri frá, at tey fóru at gevast at senda nýggjársaftan, og nú er greitt, at Radio.fo tekur yvir.

Tað er við stórari gleði, at Radio.fo nú kann boða frá, at avtala er gjørd við R2 Net um, at Radio.fo tekur við á FM-sendinetinum eftir R7, skrivar radio.fo á heimasíðuni.

Radio.fo hevur sent á alnótini í desember, og verður nú eisini landsdekkandi á FM-sendinetinum.

Stigtakararnir til nýggju útvarpstásina sum ætlar at byggja víðari á tann fólksliga leistin hjá R7, eru Jógvan Poulsen og Andrew Djurhuus.