Trygvi fær M. A. Jacobsen fyri fagrar bókmentir

Ungi rithøvundurin Trygvi Danielsen, onkuntíð eisini kendur sum Silvurdrongur, fær virðisløn M. A. Jacobsens fyri Fagrar bókmentur.

Hann fær virðislønina fyri bókina „hey:) – Tað metamodernistiska dómadagsmanifestið anno domini MMXXV et in futurum”, sum kom út í 2025.

Trygvi kundi ikki sjálvur taka ímóti virðislønini – hann er staddur í Íslandi í løtuni, har hann er á skriviverkstovu fyri at skriva handrit til hansara komandi spælifilm.

Tí var tað pápin, Danny Danielsen, sum tók ímóti virðislønini, og las upp eina heilsan frá Trygva. 

Danny Danielsen las upp heilsan frá soninum, sum ikki kundi vera til staðar (Skíggjamynd: KvF)