Ari av Rana
Í gjárkvøldið lokala tíð gjørdist greitt, at tað bleiv Brett Kavanaugh, sum varð tilnevndur til tóma stólin í hægstarætti í USA. Tað er Donald Trump, forseti í USA, sum tilnevnir dómarar til hægstarætt.
- Tað er ein heiður at kunna tilnevna Brett Kavanaugh til hægstarætt, segði forsetin á tíðindafundi í gjárkvøldið.
53 ára gamli Kavanaugh segði, at tað er uppgávan hjá einum dómara at “tulka lógin – ikki at smíða hana”, skrivar TV2.
Enn kann Kavanaugh ikki seta seg í tóma sessin, tí at amerikanska Senatið skal fyrst góðkenna hann. Republikanararnir hava ein lítlan meiriluta í Senatinum, og tí kunnu atkvøðurnar hjá moderatu republikanarunum avgera um Kavanaugh gerst hægstarættsdómari ella ikki.
Trump-umsitingin vónar, at nýggjur hægtsrættsdómari er góðtikin seinast í september.
Vinarliga broyt tínar kennifíla - og privatlívsstillingar fyri at síggja hetta innihald