Skipa fyri ferðavinnuskeiði á Eiði

Eiðis Kommuna skrivar á heimasíðu sínari, at í komandi viku verður skeið í byrjunar-íverksetan í mentanarhøll skúlans.

Hetta er serliga ætlað fólkum, ið eru áhugaði í ferðavinnu og vilja koma í gongd við vieksemi innan tað.

Sigrun Jónsveinsdóttir, leiðari í Íverksetarahúsinum, er undirvísari, og hon fer at hava ein fyrilestur og geva innlit í nøkur amboð og viðurskifti, ið eru umráðandi viðvíkjandi íverksetan og ferðavinnu.

Skeiðið verður mikukvøldið 21. august frá klokkan 19 til klokkan 22.