Sandoy Seafood fingið nýggjar eigarar

Sandoy Seafood hevur í dag fingið nýggjar eigarar. Tað veit Kringvarpið at siga í dag.

Fyri góðum tveimum vikum síðani boðaði Sandoy Seafood frá, at tey fóru at steðga virksemið, men nú bendir á, at nýggjar møguleikar eru fyri teimum 60 starvsfólkunum, sum vórðu uppsøgd hjá fyritøkuni.

Mowi, sum fyrr æt Marine Harvest hevur selt flakavirkini í Skopun og á Sandi til eitt nýtt felag hjá Óla og Ann-Dorith Nattested, og sambært Kringvarpinum hava partarnir skrivað undir sáttmála í dag.