Ari av Rana
Í gjár byrjaði størsta russiska hernaðarvenjingin síðani kalda kríggið. Eingin líknandi stór russisk hernaðarlig venjing, hevur verið síðani 1981, og tá vóru ikki nær námind líka nógvir hermenn við í venjingini.
Í venjingini sum byrjaði í gjár og heldur á næstu dagarnar eru heili 300.000 hermenn við, skrivar russiska tíðindastovan TASS.
Venjingin kallast Vostok-2018 og fer fram í eystara parti av Russlandi. 36.000 hernaðarligir stríðsvognar, manningarvognar og aðrir vognar eru við í venjingini. Í luftini eru fleiri enn 1000 flúgvarar, tyrlur og dronur, og 80 skip eru eisini við í venjingini.
Kina og Mongolia senda eisini hermenn við til venjingina. Kina hevur sent 3200 hermenn, meðan óvist eru hvussu nógvir eru komnir úr Mongolia.
Venjingin byrjað sum sagt í gjár og heldur fram til 17. september.
Vinarliga broyt tínar kennifíla - og privatlívsstillingar fyri at síggja hetta innihald