Nógv fólk í býnum í nátt

Sambært løgregluni vóru nógv fólk í býnum í nátt, og eisini rættiliga nógv full fólk. Hetta hevur givið løgregluni fitt av arbeiði, men tó er talan ikki um nakað álvarsamt.

Ein maður tveitti ein lut eftir einum løgreglubili í miðbýnum í Havn, og fær tí 1000 krónur í bót fyri at bróta politiviðtøkunar.

Løgreglan hevur eisini verið á ymisku skeinkistøðunum í nátt við tí endamáli at forða fyri harðskapi, og í nátt varð heldur einki harðskapsmál skrásett.

Eisini hevur løgreglan kannað ferðsluna í Klaksvík í nátt. Tilsamans 25 bilar vórðu steðgaðir, men har var alt, sum tað átti at vera, sigur vakthavandi á politistøðiini við Portalin.