Kostnaðurin at reka miðlar er bara hækkaður síðani miðlastuðulin

- Eg haldi, at man eigur at seta spurnartekin við, um miðlastuðulin yvirhøvur er tað rætta.

Tað sigur Sveinur Tróndarson, blaðstjóri á Dimmalætting. Blaðið, sum frá 2014 er útkomið einaferð um vikuna, hevur í miðal fingið 270.000 krónur í miðlastuðli um ári. Góðar 800.000 krónur tilsamans.

Jenis av Rana, landsstýrismaður við mentamálum arbeiðir við uppskoti um at broyta miðlastuðulslógina, sum hevur verið í gildi síðani 2017.

Sveinur Tróndarson sigur, at endamálið við miðlastuðlinum var at styrka føroysku miðlarnar. Men tað hevur hann als ikki gjørt.

- Hetta er eitt gott dømi uppá vánaligt politiskt hondverk, og at man kastar seg út í nakað, sum man hvørki hevur havt førleika til, ella vilja til at gera, sigur Sveinur Tróndarson.

Sambært blaðstjóranum er størsti parturin av stuðlinum farin til vaksandi útberingarkostnað.

Meira kann lesast ókeypis í Blaðnum Vikuskifti her