Uttanlands

Japan: Deyðstalið eftir jarðskjálvta hækkar

Ymiskar fráboðanir eru um deyðstalið

Mynd: EPA

Mynd: EPA

2018-09-08 22:22 Author image
Alda Nielsdóttir
placeholder

Talið av deyðum, eftir at ein jarðskjálvti rakti japansku oynni Hokkoaido hósdagin, hækkar.

Sum nú er, eru ymiskar fráboðanir um talið av deyðum.

Lokala myndugleikarnir á Hokkaido siga sambært tíðindastovuna AFP, at 30 fólk eru deyð og 9 eru horvin.

Sambært týsku tíðindastovuni DPA, sigur Yoshihide Suga, ið er talsfólk fyri stýrið í Hokkaido, at 21 fólk eru deyð, meðan 13 fólk eru horvin.

Hósdagin boðaði AFP frá, at í minsta lagi 9 fólk vóru deyð, og at uml. 30 fólk vóru horvin.

Japansk bjargingarfólk arbeiða triðja dag á rað við at bjarga fólki.

Jarðskjálvtin varð máldur uml. 6,6 á Richerstiganum.

Les eisini: Ógvusligur jarðskjálvti rakt Japan

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder