Harmonikustoytur í Vágunum í gjár

Tríggir bilar fingu skaða í gjár, tá ein harmonikustoytur var í Vágunum. Tað var áleið kl. 19 at samanstoyturin hendi á Giljanesi.

Allir bilarnir fingu koyrt frá staðnum sjálvir, men serliga mittasti bilurin fekk nakað av skaða, bæði aftan og framman.

Bilførarin í aftasta bilinum fekk klipp og bót fyri ikki at megna at halda frástøðuna frá frammanfyri koyrandi bili.