Grót frá tunnilsboring á vegnum

Um eitt tíðina í nátt, fekk løgreglan boð um, at ein bilur hevði rent seg fæstan á Hvítanesvegnum. Orsøkin var, at grót var á vegnum - allarhelst frá tunnilsboringini við skálafjørðatunnlinum. 

Vakthavandi á løgreglustøðini greiðir frá, at hettar ikki er fyrstu ferð, at tílíkt kemur fyri. Allarhelst er grundin, at lastbilarnir verða ovurfyltir, og tí dettur grót av bilunum á vegin. 

Í ítøkiliga málinum snýr tað seg um, hvørt tað ber til at finna útav, hvør hevur koyrt bilin, har grót er dottið úr. Tað er brot á ferðslulógina, um grót dettur úr bilinum, og tí heftir bilførarin fyri feilin. Hann hevur sjálvur ábyrgdina av tí, um ov nógv er í bilinum. 

Vakthavandi á løgreglustøðini sigur, at hann ikki veit, um nakað verður gjørt við ítøkiliga málið, men at tað altíð er ein trupulleiki at prógva, hvør hevur ábyrgdina av tílíkum.