Fjarhitaarbeiðið á Landavegnum væntandi liðugt týsmorgun

Fjarhitafelagið arbeiðir framvegis við vegamótið Fríðriks Petersens gøtu og Landavegin fram til týsmorgunin 29. juni klokkan átta, skrivar Tórshavnar kommuna.

Arbeiðið hevur við sær, at eingin gjøgnumkoyring fyri ferðslu er á hesum vegastrekkinum fram til týsmorgunin, og at ferðslan eftir Landavegnum, frá Doktara Jakobsens gøtu niðan til Fríðriks Petersens gøtu, verður einvegis, meðan arbeiðið fer fram.

Bussleið 2 koyrir ikki eftir J. C. Svabosgøtu og Fríðriks Petersens gøtu í hesum tíðarskeiðnum, men eftir Frælsinum og Jóanes Paturssonar gøtu.