Fepur, hosti og leyst lív: Her eru sjúkueyðkennini av coronavirusinum

Coronavirus hevur breitt seg til fleiri lond. Í Danmark er illgruni um, at ein maður er smittaður við sjúkuni.

Sjúkueyðkennini av coronavirusinum, sum fyrst varð staðfest í Kina er millum annað fepur, turrur hosti, og í summum førum trupul andadráttur og tekin upp á lungnabruna.

Danmarks Radio hevur á heimasíðuni gjørt eina vegleiðing um hvørji sjúkueykenni eru.

Tað ganga umleið fimm dagar frá at ein er smittaður fyrr enn eyðkennini vísa seg.

4500 kinesarar eru smittaðir av sjúkuni, og 100 fólk hava latið lív av coronavirusinum.