Dekk og lyktir sum ikki vóru í nóg góðum standi og so onkur prutl.
Ferðsluliðið hjá løgregluni hevur verið í Suðuroynni og gjørt kanningar í tveir dagar, og omanfyrinevndu ting eru millum tey, sum eru komin burtur úr.
Vaktleiðarin á løgreglustøðini í Havn í morgun sigur við miðlarnar, at ferðafólk á Smyrli varnaðust fyrr í vikuni, at ferðsluliðið var á veg. Harvið visti man, hvat klokkan hevði sligið, og so var at hyggja eftir bilinum.
Kortini vóru samanlagt 36 mál niðurskrivaði. Talan var í størri mun um smærri mál, men okkurt verktstað í oynni hevur havt úr at gera við at skifta lyktir.
Koyrdi ávirkaður - funnu rúsevni
Í gjárkvølduð varð ein bilførari steðgaður í høvuðsstaðnum, tí at illgruni var um, at viðkomandi koyrdi ávirkaður.
Soleiðis var eisini, og talan var um rúsevni: "Euforiserende stoffer".
Báðir persónarnir, sum vóru í bilinum, høvdu eisini eina lítla nøgd av rúsevnum á sær. Tann eini verður skuldsettur fyri at koyra ávirkaður av rúsevnum.
Vinarliga broyt tínar kennifíla - og privatlívsstillingar fyri at síggja hetta innihald