Alt bendir á, at Edmund og Sjúrður hava vunnið

Tað tykist ikki at vera nakar ivi um, at Edmund Joensen og Sjúrður Skaale hava vunnið fólkatingsvalið í dag.

Nú verður bara bíðað eftir endaliga úrslitinum úr Havn. Áðrenn hetta úrslitið standa Sambandsflokkurin og Fólkaflokkurin at vera fremst.

Men fyribils høvuðsúrslitini í Havn eru kunngjørd, og tey vísa, at Javnaðarflokkurin verður toppskorari í Havnin, og fær so mikið fleiri atkvøður enn Fólkaflokkurin, at tað verður Javnaðarflokkurin, sum fær mann valdan.

The grand old man hjá Sambandsflokkinum, Edmund Joensen, hevur nógv flestar atkvøður á sambandslistanum, og fær sostatt sætið aftur á fólkatingi eftir at hava verið úti í eitt valskeið.

Hjá javnaðarlistanum er tað Sjúrður Skaale, sum fær nógv flestar atkvøður, og stendur eisini til at fáa flest persónligar atkvøður av øllum teim uppstillaðu.