35 prosent av fólkinum liðugt koppsett

Nú eru 46.082 koppsetingar gjørdar í Føroyum. 27.434 fólk hava fingið fyrru koppsetingina, og 18.648 hava fingið seinnu koppsetingina og eru sostatt liðugt koppsett, skrivar corona.fo.

Tað svarar til, at 51,4 prosent av fólkatalinum í Føroyum nú eru koppsett fyri koronu, og at 35 prosent av fólkatalinum eru liðugt koppsett.

Í gjár vórðu 626 fólk koppsett. 560 fólk fingu fyrru koppsetingina, og 66 fólk fingu seinnu koppsetingina.