Ingi Samuelsen
Talið av nýskrásettum persónbilum var munandi færri í 2022 enn árið fyri. Afturgongdin var 17,45 prosent, vísa hagtølini hjá Akstovuni.
Í 2022 vórðu 1.642 nýggj persónbilar skrásettir í mun til 1.989 árið fyri. Vit skulu heilt aftur til 2014 fyri at finna sama støði í talinum av nýinnfluttum persónbilum. Tá komu 1.632 nýggir bilar til landið. Hagtølini fyri hini árini vóru: Í 2015: 1.823, í 2016: 1.976, í 2017: 1.954, í 2018: 2.147, í 2019: 2.220 og í 2020: 1.882.
Tilsamans vórðu 2.281 akfør skrásett í fjør, hetta er 558 færri enn árið fyri, ella ein afturgongd á næstan 20 prosent.
Av teimum 2.281 nýskrásettu akførunum vóru 1.643 persónbilar, 302 vøruvognar,122 viðfestivognar, 75 prutl, 32 hýruvognar, 23 neyðsendarakfør, 20 lastbilar, 18 bussar, 11 motorsúkklur, 10 kampingvognar, 9 kampingbilar, 7 leguvognar, 6 lendisakfør, 2 smábussar og 2 tangabilar.
Vinarliga broyt tínar kennifíla - og privatlívsstillingar fyri at síggja hetta innihald