Innanlands

Tvey klipp í gjár

Tá løgreglan kannaði ferðsluna í Havn vórðu tveir bilførarar, sum nýttu handhildna telefon.

(Savnsmynd: Sverri Egholm)

(Savnsmynd: Sverri Egholm)

2026-11-18 11:25 Author image
Alda Nielsdóttir
placeholder

Tá løgreglan kannaði ferðsluna í høvuðsstaðnum í gjár, endaðu tveir bilførarar við at fáa klipp í koyrikortið.

Báðir vórðu tiknir fyri at tosa í handhildnari telefon, meðan teir koyrdu.

Seinnapartin varð ein triði bilførari eisini tikin í Havn. Hesin koyrdi við viðfestisvogni men hevði ikki ljósini tendrað.

Átak um gáloysni
Ráðið fyri Ferðslutrygd hevur í løtuni eitt átak um gáloysni, har løgreglan kannar telefonnýtslu í ferðsluni. Átakið byrjaði 9. november.

Ráðið fyri ferðslutrygd upplýsir í hesum sambandi, at løgreglan tær fyrstu 10 mánaðirnar í ár hevur skrásett 152 mál um bilførarar, sum nýttu handhildna elektroniska útgerð, meðan teir koyrdu.

Les eisini: Føroyskir bilførarar leggja enn ikki fartelefonina frá sær


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder