Tveir stórhvalir strandaðu á oyrini millum Hvalvík og Streymnes í gjár

Løgreglan fekk í gjárkvøldið klokkan 17:50 fráboðan um, at tveir stórhvalir vóru strandaðir á oyrini millum Streymnes og Hvalvík. 

Løgreglan bað um hjálp frá Vørn, so Brimil kundi koma og hjálpa við at hála hvalirnar leysar - men áðrenn Brimil kom á staðið, vísti tað seg ikki at verða neyðugt. 

Hvalirnir gjørdu nevniliga ein vørr beint áðrenn klokkan hálvgum sjey í gjárkvøldið og megnaðu sjálvir at koma leysir.

Hvalirnir vóru nebbafiskar, sum er næststørsta hvalaslagið í heiminum - bara royðrar eru størri - og teir verða í miðal 90-140 ára gamlir.