Stórar oyðileggingar á russiskari flogstøð á Krim

Fylgisveinamyndir, tiknar undan og eftir fleiri ógvusligar spreingingar í gjár á eini hernaðarligari flogstøð á russiskt hertiknu Krim-hálvoynni vísa, at stórar oyðileggingar eru hendar.

Tað er amerikanska Planet Labs, ið nágreiniliga eygleiðir fylgisveinaupptøkur yvir Ukraina, sum vísir á hetta, skrivar BBC. 

Myndirnar vísa niðurbrend økir á flogstøðini har tað eisini eru fleiri flogfør, ið eru kolað upp.

Sambært BBC er talan um fyrstu óheftu prógvini fyri at stórir skaðar eru hendir á floghavnini.

Í gjár var óvist hvat var hent, og almennar ukrainskar keldur vístu eisini aftur, at talan skuldi vera um ukrainsk álop.  

Henda myndin av Saky flogstøðini er frá týsdegnum 9. august (Mynd: Planet Labs PBC)

Henda myndin av Saky flogstøðini er frá mikudegnum 1+. august (Mynd: Planet Labs PBC)