Steingja Kaldbaksvegin eina løtu

Løgreglan boðar frá, at tey fara at steingja Kaldbaksvegin eina løtu nú í kvøld.

Hetta tí, at ein lastbilur, sum koppaði í nógva vindinum í gjár, skal takast uppaftur.

- Vit verða noydd at steingja vegin meðan arbeiðið fer fram, sigur vaktleiðarin á politistøðini.

Vegurin steingir nú klokkan 20.30 frá rundkoyringini við Føroya Tele í Hoyvík til rundkoyringina í Kollafjarðardali. Meðan arbeiðið fer fram, verður ferðslan víst til Oyggjarvegin.

Vegurin verður latin upp aftur so skjótt, sum arbeiðið er liðugt. Tey rokna við, at tað tekur umleið ein hálvan tíma.