Grannskoðaravirkið Januar hevur tikið sølutilgongdina av partabrøvunum í P/F Tjaldur upp aftur. Tað hevur Fíggjarmálaráðið givið Januar, sum stendur fyri søluni, boð um.
Seinasta freist at bjóða upp á partabrøvini er um 14 dagar, mánadagin 16. januar klokkan 10.
Í tíðarskeiðnum frá 16.-27. januar verður samskift við tann ella teir keyparar, sum hava latið boð inn, so teir keyparar hava møguleika at endurskoða tilboðini, um onkur hevur hægri boð ella um seljarin ikki er nøgdur við boðini.
Miðað verður eftir, at sølan verður endaliga avgreidd í tíðarskeiðnum 1.-3. februar 2023, og við atliti at játtanin til at selja er samtykt í løgtinginum.
Vinarliga broyt tínar kennifíla - og privatlívsstillingar fyri at síggja hetta innihald