Símun Skaalum nýggjur stjóri í FT Samskifti

Símun Skaalum sum síðani 2016 hevur verið fíggjarstjóri í Føroya Tele-samtakinum, verður nú stjóri í FT Samskifti.

Hesum boðar Føroya Tele frá á heimasíðuni í dag.

Umframt fíggjarstjóri, hevur Símun Skaalum eisini verið produkt- og marknaðarstjóri, verkætlanarleiðari og fíggjarfrøðingur síðani hann byrjaði sína starvsleið á Føroya Tele í 2012.

FT Samskifti er kundavenda felagið í samtakinum.

Stjóraskiftið merkir, at Símun fer úr starvinum sum fíggjarstjóri, og inn til nýggjur fíggjarstjóri er settur, røkir Jan Ziskasen, samtaksstjóri, starvið.

14 umsóknir komu inn til starvið sum stjóri í FT Samskifti. Símun Skaalum tekur við starvinum eftir Hans Jákupi Langgaard, sum í heyst segði stjórasessin frá sær, fyri at gerast nýggjur stjóri hjá nærmasta grannanum, Bilasøluni.