Innanlands

Samgongan er í gongd við at umrøða fiskivinnulógina

Eftir at hon hevur verið til hoyringar, kann nú væntast at Sambandsflokkurin ynskir nakrar broytingar

Magnus Rasmussen, formaður fyri tingbólkin hjá Sambandsflokkinum (Mynd: Jens Kr. Vang)

Magnus Rasmussen, formaður fyri tingbólkin hjá Sambandsflokkinum (Mynd: Jens Kr. Vang)

2019-10-21 15:31 Author image
Agnar Prestá
placeholder

Fyri stórari viku síðani for uppskoti hjá nýggju samgongan til um broytingar í fiskivinnulóggávuni til hoyringar.

Nú uppskotið hevur verið til hoyringar, skal samgongan umrøða lógina, og tað gongur fyri seg seinnapartin. Umframt tingbólkaformenninar hava landsstýrisfólkini eisini boðið samgonguumboðunum í Vinnunevndini á fund.

Kringvarpið veit frá, at Sambandsflokkurin helst vil hava orðingar broyttar. Magnus Rasmussen, formaðurin fyri tingbólkin hjá Sambandsflokkinum, sigur við Kringvarpið, at flokkurin hevur gjørt viðmerkingar til uppskotið - eins og vanligt er í slíkum førum.

Bárður á Steig Nielsen, formaður í flokkinum og løgmaður, sigur, at nakrar orðingar í uppskotinum skulu neyvlýsast. Hann vil ikki útgreina, hvørjar viðmerkingarnar eru.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder