Innanlands

Royal Run byrjar í Grønlandi

Krúnprinsurin fer at renna tíggju kilometrar í Nuuk 28. mai. 1. juni verður Royal Run í fimm støðum Danmark

Frederik krúnprinsur setur her Royal Run í gongd í Klaksvík (Mynd: Jens Kr. Vang)

2020-01-15 10:39

Agnar Prestá

Royal Run verður tíðliga í summar á triðja sinni. Í fjør varð Royal Run millum annað hildið í Klaksvík á Noroyðastevnu, har Frederik krúnprinsur var við.

Í ár verður hann í grønlendska høvuðsstaðnum, Nuuk, til tað fyrsta av teimum seks Royal Run-tiltøkunum. Tað verður tann 28. mai, og har ber til at renna ein míl, fimm kilometrar ella tíggju kilometrar. Krúnprinsurin skal sjálvur renna 10 kilometrar. Í Klaksvík í fjør hevði hann ein skaða, ið gjørdi, at hann súkklaði á rutuni ístaðin fyri at renna.

Fýra dagar eftir Royal Run hevur verið í Nuuk, er tað á skránni í Sønderborg, Aalborg, Odense og Keypmannahavn. 1. juni verður eisini Royal Run á Bornholm - tó uttan kongaliga luttøku.

Í Sønderborg og í Odense fer krúnprinsurin at renna One Mile, og hann endar við at renna tíggju kilometrar í Keypmannahavn. Krúnprinsessa Mary fer at renna fimm kilometrar í Aalborg.

Longu nú eru yvir 67.000 meldaði til at renna í teimum fýra býunum í Danmark, og í Suðurjyllandi er útselt. 19.000 fólk hava melda seg. Royal Run í Sønderborg verður hildið í samband við, at tað eru 100 ár síðani, at Sønderjylland var fyri aftureining, eftir at hava verið partur av Týsklandi. 28.000 eru meldaði til í Keypmannahavn higartil.

Í fjør vóru í alt 82.000 tilmeldingar til Royal Run.

Kelda: TV2

Vinarliga broyt tínar kennifíla - og privatlívsstillingar fyri at síggja hetta innihald