Rættindi og møguleikar hjá teimum eldri verður sett á breddan í Klaksvík

Eldraráðið í Norðoyggjum hevur fjølbroyttar uppgávur, har ein teirra er at virka fyri áhaldandi kunning til tey eldru. Tað er í hesum sambandi, at Eldraráðið skipar fyri kunningarfundi á Skúlatrøð í næstu viku, har tvær framløgur verða á skránni.

Hetta skrivar Klaksvíkar kommuna á heimasíðu sínari í dag.

Ymisk viðurskifti verða tikin upp, og Jógvan Páll Lassen, advokatur, kemur at tosa um, hvussu eldri kunnu tryggja sín rætt til bústað, eitt nú tá ið fleiri ættarlið deila bústað. Ein onnur framløga verður eisini á skránni:

- Súsanna Nordendal, sum er virkandi stjóri í Familjufyrisitingini, fer at greiða frá hvussu ein tryggjar seg, tá ið m.a. hjúnafelagin doyr, og atgongdin til peningakonto v.m. verður skerd. Súsanna Nordendal fer eisini at greiða frá møguleikanum at stovna eina framtíðarfulltrú, sum seinni kann kann setast í verk, t.d. eftir at fólk hava fingið demenssjúku.

Kunningarfundurin verður á Skúlatrøð týskvøldið 31. januar klokkan 19.