Nógv vitjaða spæliplássið í Grasagarði, millum Steinatún og Kongagøtu, verður nú dagført.
Hetta skrivar Tórshavnar kommuna á heimasíðu sínari í dag.
- Nýggja spæliplássið bjóðar inn til spæl, rørslu og uppihald, og við forvitnisligum upplivingum og uppihaldsmøguleikum skal Grasagarður verða ein savningarstaður í miðbýnum. Nýggj ljósseting skal vera við til at tryggja, at Grasagarður eisini verður innbjóðandi í myrku tíðini.
Tað verður Sp/f Arta, sum fer at standa fyri verkætlanini, sum varð boðin út sum ein heildararbeiðstøka. Fyritøkan vann útboðið og fer nú í gongd við arbeiðið.
Vinarliga broyt tínar kennifíla - og privatlívsstillingar fyri at síggja hetta innihald