Innanlands

Nú er partvíst parkeringsforboð á ítróttarøkinum í Gundadali

Hetta ger Tórshavnar kommuna fyri at tryggja at tað altíð er gjørligt hjá neyðsendarbilum at sleppa framat. Tað er nú bert loyvi at seta bilin á merktum parkeringsbásum

2023-01-25 16:17

Agnar Prestá

Til tíðir eru ferðsluóskil á ítróttarøkinum í Gundadali, har nógvir bilar parkera uttanfyri merktu parkeringsbásarnar.

Nú vil Tórshavnar kommuna koma hesum til lívs, og í hesum sambandi eru eitt kort og eini boð løgd út á heimasíðuna í dag.

- Fyri at tryggja at tað altíð er gjørligt hjá neyðsendarbilum at sleppa framat, er parkeringforboð lýst fyri norðara part av ítróttarøkinum í Gundadali.

Tað vil siga, at tað bert er loyvt at parkera á merktum parkeringsbásum innanfyri reyða økið á myndini niðanfyri.

Mynd: torshavn.fo

Vinarliga broyt tínar kennifíla - og privatlívsstillingar fyri at síggja hetta innihald