Strandferðslan hevur seinastu vikuna fingið ávísar trupulleikar, orsakað av at fleiri skip hava fingið skaða, og eisini tí at Teistin er farin á beding.
Fyrrpartin fekk Erla Kongsdóttir trupulleikar við einari aksilpakkdós. Hetta, umframt tað at Hasfjord og Teistin heldur ikki vóru tøk, hevði við sær fleiri broytingar fyri sigling um Nólsoyarfirði og Skopunarfjørð
Les eisini: Rescue Lív røkir í løtuni Nólsoyarleiðina
Sí fyribils ferðaætlan fyri dagin her
Nú er greitt, at skaðin hjá Erlu Kongsdóttir er so umfatandi, at tað fer at taka í øllum førum nakrar dagar, til skipið kann sigla aftur. Jóhan Petur Abrahamsen, virkandi stjóri á Strandfaraskipum Landsins, sigur við Kringvarpið, at tað ikki er heilt greitt enn, hvør støðan hjá Hasfjord enn, og harvið er neyðugt at fáa Teistan í sigling aftur.
Jóhan Petur Abrahamsen váttar, at Teistin verður tikin av dokk í dag og verður aftur í sigling um Skopunarfjørð í morgin.
Hetta merkir millum annað, at Ternan aftur kann fara at røkja Nólsoyarleiðina.
Til ber at hoyra innslagið hjá Kringvarpinum her
Hoyr innslag í útvarpstíðindunum.
Vinarliga broyt tínar kennifíla - og privatlívsstillingar fyri at síggja hetta innihald