Innanlands

Miðlahúsið selt

Søguligi handilsbygningurin í Vágsbotni er nú seldur

Skíggjamynd, betriheim.fo

Skíggjamynd, betriheim.fo

2018-07-13 06:40 Author image
Sverri Egholm
placeholder

Bygningurin, har Sosialurin, Vikublaðið, In.fo og aðrir miðlar halda til í Vágsbotni í Havn, og sum hevur fingið navnið Miðlahúsið, er nú seldur.

Tað stendur á heimasíðuni hjá Betri Heim.

Prísuppskotið upp á ognina er 12.750.000 krónur, men upplýst verður ikki um hetta er endaligi søluprísurin, og heldur ikki hvør keyparin er.

Talan er um gamlan handilsbygning, og Betri Heim lýsir ognina soleiðis:

- Søguligur, sjarmerandi og væl staðsettur bygningur í Vágsbotni. Stór og góð vinnuhøli við atgongd beint út í Vágsbotn. Bygningurin er í trimum hæddum, væl egnaður til útvent virksemi. Frálíkt útsýni yvir Vágsbotn og havnalagið. 

Støddin er 637 fermetrar og byggiár er í 1800 og í 1925.

Tað er P/F Valdemar Lützen, sum hevur selt bygningin. Á heimasíðuni hjá Betri Heim stendur, at seljarin hevur 7 ára leigusáttmála við leigara, sum altso er Sosialurin.

placeholder
placeholder