Sissal í Vild med Dans

Sissal Norðberg Niclasen verður ein av teimum tíggju dansarunum tá TV2 á seinasta sinni sendir Vild med Dans í heyst.

Tað skilir danski miðilin Se og Hør.

Hon tók danskarar á bóli við lagnum Hallucination í Danska Melodi Grand Prixnum og vann kappingina. Í mai umboðaði hon Danmark í stóra Eurovision, sum var í Sveis, og megnaði at syngja seg víðari til finaluumfarið.

Nú verður tað so eftir øllum at døma á dansigólvinum, at 30 ára gamla havnarkvinnan skal gera um seg.