Løgtingsval verður hósdagin 8. desember

Av tí at parlamentariska grundarlagið undir verandi samgongu er rokið, hevur løgmaður valt at útskriva nýval.

Hetta kunngjørdi Bárður á Steig Nielsen fyri fáum minuttum síðani, og talan var ikki um nakra óvæntaða avgerð. Hann tók orðið á tingfundinum, sum varð tann seinasti undir hesari samgonguni. 

Løgtingsvalið 2022 er sett at verða hósdagin 8. desember. Hetta eru beint undir níggju mánaðir áðrenn, tað í seinasta lagi skuldi verða, um samgongan hevði sitið alt tíðarskeiðið.

Tingarbeiðið er nú niðurlagt - valstríðið er byrjað.