Løgreglan: Tað er revsivert at víðarigeva slík filmsbrot

Løgreglan heitir á øll, sum hava eitt filmsbrot frá eini álvarsligari ferðsluvanlukku, sum hendi um vikuskiftið, um at strika tað og ikki víðarigeva tað til onnur.

Hetta sigur løgreglan í almennari áheitan, eftir at løgreglan er gjørd vart við, filmsbrotið er í umferð á sosialu miðlunum í løtuni.

– Tað er brot á revsulógina at víðarigeva slík filmsbrot og kann geva seks mánaðar fongsulsrevsing, sigur løgreglan.