Løgmansskrivstovan eftirmett koronu

Næsta mánadag 9. januar leggur Løgmansskrivstovan covid-19 eftirmetingina fram. Arbeitt hevur verið við hesum seinastu mánaðirnar, og nú er klárt at leggja hana fram fyri miðlunum.

Fyrsti koronutilburðin var staðfestur í Føroyum mars 2020, og nakrar dagar seinni vóru umfatandi tiltøk sett í verk fyri at steðga smittuni. Eitt tíðarskeið var trýstið so mikið stórt, at koronupass var sett í gildi í Føroyum.

Tann 28. februar 2022 vóru øll koronutiltøk tikin av.

Tilsamans 34.237 tilburðir av koronu vóru staðfestir í Føroyum.