Listaframsýning hjá Edith Mørkøre letur upp í Ribarhúsi í morgin

Hósdagin 17. oktober letur Edith Mørkøre upp listaframsýning í Ribarhúsi í Fuglafirði.

Plantur, trø og vøkstur hava altíð givið listakvinnuni íblástur og tað er afturvendandi í flestu av verkum hennara á framsýningini.

Edith sigur soleiðis: “Umframt at vera hugtikin av plantum, trøðum og vøkstri í sær sjálvum so eri eg upptikin av speglingini millum ”fólk, lívið og støðum ein er í” og so ”plantum, trøðum og trivnaðinum vøksturin er í”.

Ferniseringin er hósdagin 17. oktober millum kl.16.00 og 19.00. har bjóðað verður gott til góman. Øll vitjandi hava møguleika at fáa eina plantu heim við sær, sum listakvinnan hevur planta í umhvørvisvinarligar, brúktar kaffikoppar.

Fríggjadagin 18.oktober millum kl.13.00 og 19.00 verður Edith eisini til staðar. Síðani er framsýningin opin sum vant í Ribarhúsi:

Leygardag frá kl.11.00 til 14.00 og mána- til fríggjadag frá kl.15.00 til 17.30 fram til 5. novenber.