Fríggjadagin 14. oktober klokkan 19 verður fyrilestur við Line Rørbæk Jacobsen í Auluni í Finsen.
Line er sosialráðgevi og mamma Astu, sum er tvørkynd, og vóru tey sum familja við í heimildarøðini hjá DR: Et helt menneske. Eisini er Line nevndarlimur í danska felagskapinum Foreningen for Støtte til Transkønnede Børn (FTSB).
Fyrilesturin tekur støði í persónligum upplivingum hjá familjuni, men er eisini um tað at vera tvørkynd/ur og heilsuverkið í hesum sambandi. Line fer eisini at fortelja um arbeiði hjá FTSB og ráðgevingina hjá teimum.
Høvi verður at seta spurningar.
Fyrilesturin er ókeypis og er fyri øll – bæði tvørkynd og teirra familjur og tey, sum vilja læra eitt sindur um tað at vera tvørkynd/ur. Eisini hóskar fyrilesturin seg væl til starvsfólk á stovnum og skúlum, sum arbeiða við børnum og ungum.
LGBT+ Føroyar
Vinarliga broyt tínar kennifíla - og privatlívsstillingar fyri at síggja hetta innihald