Innanlands

Krúnprinsahúskið fær gott veður

Turt í veðrinum meginpartin av vikuskiftinum

Mynd: Sverri Egholm

Mynd: Sverri Egholm

2018-08-24 12:05 Author image
Ari av Rana
placeholder

Krúnprinsahúskið fer av landinum aftur sunnudagin, men áðrenn tað vitja tey kring alt landið.

Hepni má sigast at verða við teimum, tí at sambært veðurfrásøgnini verður turt næstan alt vikuskiftið.

Í løtuni regnar, men um 13 tíðina slítur í. Restina av degnum er einki avfall, hitin liggur millum 10 og 11 hitastig, við vindi um 8 m/s. Hetta heldur sær alla náttina. Ættin er útnyrðingur norðan og útnyrðingur.

Í morgin tíðliga minkar í vindinum niður í 5 til 6 metrar um sekundið av útnyrðingi, og einki avfall er. Seinnapartin í morgin verður eitt sindur av avfallið millum 0,2 til 0,5 mm og ættin er vestan. Umleið klokkan 21 slítur í aftur, og vindurin minkar niður í uml. 2 m/s av útnyrðingi vestan, og hitin minkar niður í 8 og 9 hitastig.

Hitin heldur sær gjøgnum sunnunáttina, meðan vindurin veksur upp í millum 2 og 4 m/s av landnyrðingi og landnyrðingi vestan.

placeholder
placeholder