Krúnprinsafamiljan ovast á Eystfelli

Krúnprinsaparið og børnini H.k.h. Christian prinsur, Isabella prinsessa og Vincent prinsur fóru í dag niðan á Eystfelli á Fugloynni, har góða myndin varð tikin av familjuni. 

Aftaná døgurða í dag fór øll familjan nevniliga til Fugloyar, har vitjað var í Hattarvík og Kirkju. 

Nú gongur leiðin síðan til Mikladals, har spákað verður oman til standmyndina av Kópakonuni. Ingibjørg Hansen, ið er uppvaksin í húsunum, haðan kópakona var, skal syngja niðri við standmyndina.

Eitt sindur av seinking er sum skilst í skránni, umleið 1 tími. 

Sí annars vøkru myndina og aðrar myndir, sum Kongshúsið tekur á vitjanini í Føroyum, á Instagram.