Kjølbro Heilsøla hevði eitt gott ár

Ein av fyrstu fyritøkunum at lata roknskapin inn fyri 2024 er P/F J.F. Kjølbro Heilsøla í Klaksvík.

P/F J.F. Kjølbro hevur heilsøluvirksemið í Klaksvík og selur matvørur og annað runt allar Føroyar. 

Gott ársúrlit í 2024
Roknskapurin 2024 hjá P/F J.F.Kjølbro Heilsølu vísir eitt rímiliga gott úrslit.

Bruttovinningurin vaks í 2024 við 13,2 prosent til 17,2 mió.kr.

Ársúrslitið gjørdist eitt avlop upp á 5,6 mió.kr., í mun til 4,4 mió.kr. í 2023. Ein vøkstur í avlopinum upp á heili 26,8 prosent, sum verður mett at verða ein góður vøkstur.

Eginpeningurin 15,9 mió.kr.
Fíggjarjavnin hjá P/F J.F. Kjølbro Heilsølu við árslok 2024 var 32,7 mió.kr.

Felagið hevði onga langfreistaða skuld í 2024. Stuttfreistaða skuldin í 2024 var 16,8 mió.kr.

Eginpeningurin hjá P/F J.F. Kjølbro Heilsølu við árslok 2024 var 15,9 mió.kr. Trygdarevnið var tískil 49 prosent.

Um hugt verður eftir gjaldførinum, so sæst at gjaldførislutfallið er 1,86, sum verður mett at vera gott.

Samanumtikið má staðfestast, at rakstrargongdin síðstu árini hjá P/F J.F. Kjølbro Heilsølu hevur verið góð, og at serliga úrslitið í 2024 var gott.

Talan er um eitt fíggjarliga sterkt felag, sum eisini hevur nøktandi gjaldførið.

Høvuðspartaeigari av P/F J.F. Kjølbro Heilsølu er Sp/f Finna.

Stjóri í felagnum er Árni Frederiksberg og Jákup A. Mikkelsen er nevndarformaður.

--

Greiningin er gjørd av Birgir Nielsen og ráðgevarafyritøkuni Nira Sp/f, www.nira.fo