Uttanlands

Kina vísir rættarúrskurð um grímubann frá sær

Tað er bert Fólkakongressin, sum tekur støðu til slíkar spurningar

(Mynd: EPA)

(Mynd: EPA)

2019-11-19 07:07 Author image
Ingi Samuelsen

Tað er bert stýrið í Kina, sum kann taka støðu til stjórnarskipanarspurningar í Hongkong. Dómstólarnir í Hongkong hava ikki heimild til at taka støðu til spurningin sum rættin at bera grímu.

Tað sigur ein talsmaður fyri stjórnarvaldið í Kina, sambært almennu Xinhua tíðindastovuni.

Tí er tað bert nevndin fyri Fólkakongressina sum kann gera av, um lógir í Hongkong eru í tráð við stjórnarskipanina í býnum ella ikki, stendur í fráboðanini.

- Ongin annar stovnur hevur heimild til at koma við dómum ella avgerðum, sigur Jian Tiewei, sum er talsmaður fyri fólkakongressina.

Hægstirættur í Hongkong segði í gjár, at eitt bann móti at bera grímu er í stríð við stjórnarskipanina fyri økið, kallað ”Basic Law”.

Stjórnin í Hongkong, sum er lýðin stýrinum í Kina, setti í oktober í verk bann fyri at bera grímur orsaka av ófriðinum.

Tað var undir Basic Law, at Hongkong í 1997 fór frá at vera eitt bretskt krúnuhjáland til at vera eitt serliga umsitingarligt øki í Kina, skrivar Ritzau.

 

placeholder
placeholder