Kavi og vindur í morgun

Rættiliga fitt av kava er komið niður í nátt, Sandoyggin og Suðuroyggin tó undantiknar, og Landsverk boðar frá hálku og kræpa á øllum norður-, mið- og vesturøkinum.

Hartil er eisini fitt av vindi um alt landið. Sambært Landsverki liggur vindferðin oman fyri 30 metrar um sekundið eitt nú á Ørðadalsskarði, Porkerishálsi og Norðradalsskarði.

Vakthavandi á løgreglustøðini hevur ikki fingið nakrar fráboðanir um trupulleikar í ferðsluni í morgun orsaka av hálku, men heitt verður á bilførarar um at koyra varðliga í ferðsluni.