Agnar Prestá
Um ein ferðasist umvegis Kastrup fyri áleið tveimum árum síðani, var ógvuliga lítið av ferð á og heilt lítið av ferðafólki, í mun til hvat vanligt er - til tíðir var so at siga manntómt. Talan er um ein av teimum flogvallunum við mest ferðslu í norðara parti av Evropa, men Københavns Lufthavn var ávirkaður av koronustøðuni, sum av álvara setti flogferðsluna niður í ferð kring heimin.
Í síðstu viku kundi staðfestast, at ferðafólkatalið á flogvøllinum í Vágum byrjar at nærkast tí, sum tað var, áðrenn koronafarsóttin breyt út, tí útvið 37.000 ferðafólk fóru um flogvøllin í apríl. Og tað er líknandi støða á tí væl størri flogvøllinum á Amager. Hetta vísa nýggjastu tølini úr Danmark.
Í dag er ferðafólaktalið fyri apríl kunngjørt, og talan er um hægsta skrásetta talið í tvey ár.
Tað skrivar millum annað dr.dk.
Samanlagt ferðaust beint yvir 1,8 milliónir fólk umvegis Københavns Lufthavn í síðsta mánaða.
Næstan tvær milliónir ljóðar nógv, og hetta er eitt greitt tekin um, at viðurskiftini í flogferðsluni nú "líkjast meira sær sjálvum".
Tó so, er talan ikki um sama støði, ið tað var á áðrenn koronufarsóttini. Um hugt verður eftir samlaða talinum fyri ferðandi í Kastrup higartil í 2022, so er tað bert 72 prosent av tí, um tað var eftir apríl í 2019, ið er tað síðsta fulla árið, har korona ikki ávirkaði
Vinarliga broyt tínar kennifíla - og privatlívsstillingar fyri at síggja hetta innihald