Kannar mál um hóttanir

Løgreglan kannar í løtuni eina hending, sum fór fram á einum sølustaði í Klaksvík um klokkan 17.30 í gjár.

Talan er um ein mann, sum skal hava hótt ein annan við knívi.

Av løgreglustøðini í Havn verður sagt, at talan ikki var um nakað dramatiskt, og ógreitt er, um hetta var meint í álvara. Men fólkini rundanum gjørdust stúrin, og tá knívur er uppií verður tað altíð tikið í álvara.

Nú skal málið kannast nærri, og enn er ikki greitt, hvørja skuldseting tað endar við. Tað kann enda við, at viðkomandi verður skuldsettur fyri hóttanir, men tað kann eisini enda við, at hann fær eina bót fyri brot á skilhaldsreglurnar, sigur vaktleiðarin á løgreglustøðini.