Ivamál um kongsvitjan

Er einki hent við verkfallinum miðskeiðis í vikuni, verður kongsvitjanin av ongum á hesum sinni.

Tað sigur Aksel V. Johannesen, løgmaður, við útvarpið í dag.

Fríðrikur og Mary drotning skulu eftir ætlan vitja í Føroyum í døgunum 12. til 14. juni.

Hetta er fyrsta vitjanin síðani tey tóku við trónuni, men tað er stórur møguleiki fyri, at hetta nú ikki verður av nøkrum á hesum sinni.

Partarnir á arbeiðsmarknaðinum hittust í síðstu viku, men Seminsstovnurin metti ikki grundarlag vera fyri at fara undir semingsroynd. Síðan er einki hent.