Í dag fer tingið heim

Nú klokkan tíggju byrjar tingfundurin, sum eftir ætlan verður tann seinasti í hesari tingsetuni.

Hetta merkir, at um einki óvanligt stingur seg upp, verður hetta seinastu ferð, at tingið kemur saman fyri ólavsøku.

10 mál eru á skránni í dag – sjey 3. viðgerðir, tríggjar 2. viðgerðir, umframt framløga.

Talan er m.a. um hesi uppskot:

• Uppskot um avmarkandi tiltøk í sambandi við atgerðir móti Ukraina
• Uppskot um at innrætta víðkaða partin av kjallaranum í H-bygninginum á Landssjúkrahúsinum til parkering, goymslu og reingerð, umframt til goymslutorn og vegleiðing í H-bygninginum
• Uppskot um heimild at fíggja Koltursætlanina

Skráin fyri dagsins tingfund sæst her.