Hvalbiar kommuna bjóðaði kakao og karamellur í kuldanum

Tað er nógvur kavi kring landið, og hetta gevur trupulleikar av ymsum slagi - millum annað víðvíkjandi ferðslu.

Les eisini: 
Ber framvegis ikki til at koyra buss í Klaksvík
Fleiri bilførarar hava havt tað trupult

Kavaveðrið kann tó eisini hava hugna við sær, og í allar fagrasta vetrarveðri hava tey skreiða og fingið kakao og karamellur í Hvalba og Sandvík.

Hvalbiar kommuna skrivaði mánakvøldið, at børn og lærarar í Hvalbiar skúla høvdu verið úti og skreitt leingi og notið vetrarveðrið.

Síðani hevði kommunan bjóða kakao og karamellur bæði í Sandvík og Hvalba, tá nógv fólk vóru úti og skreiddu og hugnaðu sær um kvøldið, Mett var, at talan var umleið 130 fólk tilsamans.

Mynd: hvalba.fo