Harðskapsmál í Havn

Løgreglan kannar nú eitt harðskapsmál, sum varð fráboðað í Havn í gjár.

Vaktleiðarin á løgreglustøðini í Havn sigur, at talan er um tveir mans, sum høvdu fingið eitt sindur niðurum og vóru farnir til hendurs. Eingin fekk tó álvarsligan skaða.

Annars hevur seinasta samdøgrið sum heild verið friðarligt, verður upplýst. Løgreglan hevur tó farna vikuskiftið gjørt fleiri málrættað ferðsluátøk, har kannað m.a. var, um bilførarar vóru edrúir, og tað vóru teir ikki allir.

Í gjár vórðu tveir bilførarar tiknir fyri rúsdrekkakoyring – ein í Havn og ein í Norðurøkinum.