Góðir og vælvaksnir toskar av bankanum

Fiskirannsóknarskipið Jákup Sverri kom í gjárkvøldið á Havnina av heysttúrinum á Føroyabanka, har regluligar yvirlitstrolingar hava verið gjørdar í mong ár fyri at kanna, hvussu tað stendur til við serliga toskastovninum á bankanum.

Enn er túrfrágreiðingin ikki skrivað, men greitt er, at tey fingu rættiliga fitt av hýsu og eisini nakað av bankatoski.

Og enn sum áður, er talan um vælvaksnan tosk av hesum serliga ljósa slagnum av toski, sum einans er at finna á Føroyabanka.

Um undanfarin ár hevur fiskamatstovan Barbara keypt ein part av veiðuni, og fer at borðreiða við bankatoski á serligum tilboði á matstovuni um vikuskiftið. 

Johan Mortensen við einum av stóru bankatoskunum - hesin vigar um 20 kilo