Óvæntað vitjan av kongi

Føroyska handverkaravinnan hevur í hesum døgum bás til Euroskills, sum er í Herning.

Hetta er ein EM-kapping millum handverkslærlingar, men føroyingar sleppa ikki at luttaka, tí vit ikki eru við í evroparáðnum.

Ein básur skal kortini gera vart við føroyskt handverk, og eisini seta sjóneykuna á føroyskan limaskap.

Og básurin fangaði uppmerksemi hjá kongi, tá hann í gjár vitjaði kappingina.

Í básinum stendur ein tríbekkur, sum John Høgnesen hevur smíðað til høvið, og sum hann ger liðugt á básinum. Og bakgrundina ger Livar Nysted. Hann málar nevniliga ein stóran máling av einum 10-mannafari.

Kongur var so mikið hugtikin av hesum virkseminum, at hann steðgaði á, og doypti enntá bátarnar.

Hoyr samrøðuna við Marius Thomassen frá Vinnuhúsinum, sum Árni Gregersen gjørdi í gjár.